السـلامـ عليـكـمـ ..
منـوريـن مـوضوعي اليـديـد
والي ان شاء الـلـه يعيبكـمـ ..
ويفيــد الــنـاس الي شافوا
الـفــلـم ومافهـمـوا قصــتـهـ ..
والي ماشافوا الفـلـم ياخذون فكره
عـن الفـلـمـ .. حتى لو بخـرب عليكـمـ
بعــد بتشوفونـه لان الصراحـهـ يستاهل
وانـا ليـن الحيـنـهـ شفـتـهـ تقريبـاً ٧ مرات
ونـاوي اشوفـهـ بعـد مره يوم العيــد =]
كـفايـهـ اني شفـت التـريلر قبل ماينعرض
الفلم عدنا اكثر من ٣٠ مره واتعذبت ><
حتى اني يوم شفته في السينما
تميت امبقق عيني طول الوقت
حتى مادقيت الناجوز ><
لان صدق صدق يبالـهـ تركيز

بس بغيـت أقول لـ الي شافوا
التريـلـر والي مايحبـون الافلامـ
الي فيهـمـ [ خـرط ] ..
الي شفتوه في التريلـر ترا ولا شي
يعني حرامـ اتفوتون هالفلـمـ
لا تحكـمون عليـهـ من التريلـر
لان مافيــهـ خـرط الأشياء الي تستوي
بس تكـون [ في الحلـمـ ]
تابعوا باقي الموضوع احسـن =)

بس بس مابرمس زيـآآده هع .. //



http://www.youtube.com/watch?v=66TuSJo4dZM








هذا تقييـمـ الفـلـمـ من الموقع الرسمي لـموسوعة الأفلام
تسعـهـ مـن عشـره قبل ماينعرض في السينمات بعد لـوول ..

http://www.imdb.com/title/tt1375666/



،

[ نبذه عن الفلم ]

تصـدر فلم "انسبشن" الذي يقوم ببطولته الممثل ليناردو ديكابريو
قائمة إيرادات السينمات بكل أنحاء العالم، حيث حقق إيرادات بلغت
أكثر من ٦٠،٤ مليون دولار في أول ثلاث أيام من عرضـهـ ..

ويعتبر هذا الفلم هو أول فلم من نوعه
يطرح فكرة يصعب استيعابها نسبياً عند
[ أغلبية الناس ] لأن الفلم يتدرج ضمن
الأفلام الخيالية العملية التي تحتوي على
الأسلحة الحديثة التي لم يسبق اختراعها أو طرح
أي فكره عنها في أي مكــان .

من أهم الأسباب التي أدت إلى نجاح هذا الفلم
وجود مخرج له خبرة في إخراج هذه الأفلام
من ناحيـة طغيان أسلوب الغموض والتشويق
في الفلم حتى آخر ثانيـة


Christopher Nolan

أخرج احسـن أفلامـ من انولـدنا
ليــن الحـيـنـهـ .. :yellow (2):
والمـمـثليـن الي طلعـوا في
كل افلامـهـ احسـن ممثـليـن


The Dark Night


The Prestige


Memento


Insomnia

وفي سبب ثاني وهام
خلى هالفلم يكون ناجح بعد والي هــو
Soundtrack



الألحـان الي في الفلم
الصـرااحـهـ ماعليـهـا كلام
ولايقــه على كل لقطـهـ في الفلمـ
والملحن الي سوا الالحان بعـد شخص معروف
هو الي سوا هالالحان الي بس تطلع في الافلام
الإجراميـهـ ، الخياليـة ، الغموض
مثـل سلسـلة أفلام بـات مـان

الي يبا يسمع كل الالحان هم هنيـهـ ،،
والي يبـاه الـ Mp3 يــطلب =)

http://www.youtube.com/watch?v=imamcajBEJs

،

[ الممثلين والأدوار ]

اهـم شي سواه المخرج
في الفـلـم انه اختـار احسـن
الممثليـن ووزع الشخصيـات
بطريقــه ولا أروووع :yellow (75):


Leonardo DiCaprio
بـ شخصيـة .. Cobb

وظيفة كوب في الفلم [ جاسوس ]
يتجسس على الشركات الكبرى في
دول العـالم ويسرق مخططاتهـمـ
المستقبليـة ويبيعها على الشركات المنافسـه

طريقـة التجــسس :
عن طريق جهاز يتم توصيله
لـ الشخص المراد سرقة الأفكار من عقله
وتحويلها او تخريبها او مثل ماقلت
التعرف على الأفكار والأسرار عن طريق تنويم
الشخص وتشغيل الجـهاز وبدأ الحلم
[ واذا مات حد في الحلم على طول يقوم ]
ويكشف كل شي ويعرف ان الي يستويله في
الحـلم مب صدق ويشوف الي حوليـه منسدحين
ويقصون عليـهـ ..



Joseph Gordon-Levitt
بـ شخصيـة .. Arthur

وظيفة آرثر في الفلم ..
مساعدة [ كوب ] في الأحلام
بـ تهديد الضحايا المراد معرفة
أسرار شركاتهـمـ ووظيقة الثانيـه
تصميم الأحلام .. لان لكل حلم
لازم يكون شخص دارس عن
تصميم الديكور وهالاشياء ..

عشان يوم يدخلون الشخص
المرات تشويش افكاره ومعرفة
أسراره لازم يصممون بيئه ممثاله
لـ البيئه الي عايش فيـهـا
والي يقصون عليه مايعرف
ان هو اصلا في حلم ..
لان اذا عرف ان هو في حلم
على طول بيذبح عمره في الحلم
وبيرد لـــ [ الواقع ] وبيقوم من تأثير الجهاز
الي رقــده وخلاه يحلــمـ ..


Ellen Page
بـ شخصيـة .. Adriadne

أدرياندي مصممة ديكور
تسـاعد العصـابـة في تصميم
الأماكن الي بيدخلون فيها الضحيـهـ



Tom Hardy
بـ شخصيـة .. Eames
خبير في الأحلام وفي تزوير
الشخصيات في الأحلام ..
لان في المهمه الي بيسوونها
يحتاجون واحد دفش يضارب ومايخاف
عسب يحميـهـم من الأشخاص الثانيين
الي يطلعون مره وحده ويدافعون عن الضحيه
المرات تشويش افكارها ..
وهو يقدر ينتحل شخصيات ثانيه
في الفلم من غير ماتعرف الضحيـهـ
يعني في الفلم هو خذ شخصية العم الي يبا يسرق
الفلوس وخذ شخصية البنيـه في البار وخذ شخصية الابو
وهو في المستشفى في اخر الفلمـ .. ومن غير ماتحس الضحيه
ان الشي الي يستوي بحلم وغير واقعيـ ..



Marion Cotillard
بـ شخصيـة .. Mal

هاي العـلـه مرت [ كوب ]
في بداية اختراع هالجهاز ..
كوب وحرمته تموا يجربون الجهاز
على عمارهـمـ وادمنوا عليه وايد
لان الي يحلم بـ هالجهاز يروم يسوي
الي يباه ولو يبا بعد مايقوم من الحلم
لمدة أيــامـ .. المهــمـ ،
هاي دومها تطلع في احلام كوب
واتخرب عليـهـ لانه هو السبب في انتحارها
وضياعها في عالـمـ الليمبو [ النسيان ]
[ الزبده ]
ريلها الي هو كوب تم يخليها تحلم
وايد حلم ضمن حلم ضمن حلم
لين ماوصلوا لـ مستوى خطر
واذا ذبحوا عمارهم خلاص
يموتون ومايردون للواقع
وهيه ملت من حياة الاحلام
تبا اترد للواقع وهيه اتعرف
ان لو ذبحت عمرها في الحلم
بتموت خلاص .. ومابتنش من الحلم
بس يتها حاله نفسيه وانتحرت في الحلم
ورآآآحـت بس كوب قدر يرجع ..



Ken Watanabe
بـ شخصيـة .. Saito

هذا وظف كوب وآرثر وادرياندي وإيمز
عسب يشتغلون عنده ويسرقون المخططات
المستقبليـه لشـركة الاخ الي تحـت



Cillian Murphy
بـ شخصيـة .. Robert Fischer

هذا راعي الحلال .. والعصابه
تبا اترقده بـ اي طريقه بس عشان
يبدون بـ الخطـه والي هيـه
ركزوا ركزوا هنيـهـ

يدخلونه حلـم فيه ابوه
المريض ويقنعونه في الحلم
ان ابوه مات بس هو حي بالاجهزه
والورث الي تم مب لـه يعني خلاص
يخلي الشركه الكبيـره ويبدا حياة ثانيـهـ
لان شركة ابوه هيه الي مسيطرة على كل الشركات
وهالصيني سايتو مايبا هالشركه اتسيطر على شركته

،

[ مراحل الأحلام ]



انـا لو اكتب عن هالشي
بخرب عليكـمـ وبكتب القصـهـ ><
الاحسـن انكـمـ اتشوفون هالصـوره

وترا الخطـهـ هي ادخال الضحيه
لـ حلم ضمن حلم ضمن حلم ضمن حلم
عشان مايحس انـ في شي غلط مستوي
ويذبح عمره يقوم من الحلم ويرد للواقع
وكـل شي يختــرب ..

وهايلا الي يطلعون في الحلم يدافعون
عن الضحيـهـ .. هم يطلعون لان معظم
ضحايا الاحلام الغير واقعيه في الفلم
يكونون من كبار الشخصيات وهايلا
يعرفون ان شي هالجهاز ويخافون
ان تطلع عصابه واتخرب شغلهم
فـ يسيرون لـ دكتور معين ويدربهـمـ
طريقة الدفاع عن النفس في الاحلام


[ النـهـايــه ]

مـابقوللكـمـ شو النـهـايـهـ
بس النـهايـه نهايتيــن .. =)
انتوا اختـاروا النهايه الحلوه او البايخـهـ هع



:atsui:
نصيحـهـ .. جوفوا الفلم
وهو مترجـمـ .. واول ماتنزل نسخه واضحه
عـ النـت بحطه لكـمـ ويا الترجمـهـ =)

الي عنده اي سؤال
عـن الفـلـم لا يستحي =)

السلام عليكم ورحمة الله وبركآاته . .
صور نوعا ما متأخرينْ
بس حبيت أعرضهمْ



وهآأي جستْ فكره كانت في بالي وما ضبطتها عدل



" سلبيات الصور "
- الإضاءه / التكوين / الحده . .
< من وجهه نظري


أشكرْ من ساعدني وحط نكي :_yayking__by_madb0y

صويحب بنت كانون